“90s మిడిల్ క్లాస్ బయోపిక్” ఫేమ్ మౌళి తనుజ్, “అంబాజీపేట మ్యారేజి బ్యాండు” మూవీతో గుర్తింపు తెచ్చుకున్న యంగ్ హీరోయిన్ శివానీ నాగరం లీడ్ రోల్స్ లో నటిస్తున్న మూవీ “లిటిల్ హార్ట్స్”. ఈ చిత్రాన్ని ఈటీవీ విన్ ఒరిజినల్ ప్రొడక్షన్ బ్యానర్ పై దర్శకుడు సాయి మార్తాండ్ రూపొందించారు. “90s మిడిల్ క్లాస్ బయోపిక్” ఫేమ్ డైరెక్టర్ ఆదిత్య హాసన్ “లిటిల్ హార్ట్స్” మూవీకి నిర్మాతగా వ్యవహరించారు. ఈ సినిమా కంటెంట్ నచ్చి నిర్మాతలు బన్నీ వాస్, వంశీ నందిపాటి సెప్టెంబర్ 12న గ్రాండ్ థియేట్రికల్ రిలీజ్ కు తీసుకొస్తున్నారు. ఈ చిత్ర టీజర్ ను బ్లాక్ బస్టర్ డైరెక్టర్ అనిల్ రావిపూడి చేతుల మీదుగా రిలీజ్ చేశారు.
ఈ కార్యక్రమంలో ఈటీవీ విన్ నుంచి నితిన్ మాట్లాడుతూ.. ‘అనగనగా, ఎయిర్, కనకమహాలక్ష్మి హ్యాట్రిక్ సక్సెస్ తర్వాత ఈటీవీ విన్ నుంచి వస్తున్న చిత్రమిది. థియేటర్స్ లో మీరు ఫ్యామిలీతో కలిసి ఎంజాయ్ చేసేలా సినిమా ఉంటుంది. థియేటర్స్ లో ఒకసారి చూస్తే మళ్లీ చూడాలని అనుకుంటారు. “లిటిల్ హార్ట్స్”ను థియేట్రికల్ రిలీజ్ కు తీసుకొస్తున్న బన్నీవాస్, వంశీ నందిపాటి గారికి థ్యాంక్స్.’ అన్నారు.
డైరెక్టర్ సాయి మార్తాండ్ మాట్లాడుతూ.. ‘”లిటిల్ హార్ట్స్” సినిమా ఈవెంట్ కోసం ప్రొడ్యూసర్ ఆదిత్య హాసన్ తో మాట్లాడాను. అతను యూఎస్ లో తన నెక్ట్స్ మూవీ కోసం లొకేషన్స్ చూస్తున్నాడు. “లిటిల్ హార్ట్స్” నచ్చకుంటే నా నెక్ట్స్ సినిమాలు చూడకండి అని ఆడియెన్స్ తో చెప్పాలని అనుకుంటున్నా అని ఆదిత్యతో అన్నాను. అతను వెంటనే నవ్వుతూ అలా చెప్పకు అని అన్నాడు. 2గంటల 3 నిమిషాల సినిమా చాలా బాగా వచ్చింది. థియేటర్స్ లో బాగా ఎంజాయ్ చేస్తారు. మంచి ప్రయత్నం చేశామని నమ్మకంతో మేమంతా ఉన్నాం.’ అన్నారు.
నటుడు రాజీవ్ కనకాల మాట్లాడుతూ.. ‘”లిటిల్ హార్ట్స్” సినిమాలో నటించేప్పుడు మా డైరెక్టర్ సాయి సెటిల్డ్ గా పర్ ఫార్మ్ చేయండి సార్ అంటూ వెంటపడేవాడు. ఎంత సెటిల్డ్ గా నటించినా, మళ్లీ ఇంకాస్త అనేవాడు. ఈ సినిమా తర్వాత నాకు సెలిల్డ్ స్టార్ అనే బిరుదు వస్తుందేమో చూడాలి. డబ్బింగ్ చెప్పేప్పుడు కూడా సెటిల్డ్ గా చెప్పండి అనేవారు. ఈ సినిమాలో నాకొక కొత్త తరహా క్యారెక్టర్ లో నటించే అవకాశం దక్కింది. థియేటర్స్ లో ఈ సినిమాను తప్పకుండా చూడాలని కోరుతున్నా. ముఖ్యంగా మౌళి తనుజ్ కు ఈ చిత్రంతో చాలా మంచి పేరు వస్తుంది.’ అన్నారు.
హీరోయిన్ శివానీ నాగరం మాట్లాడుతూ.. ‘”లిటిల్ హార్ట్స్” సినిమాలో నటించే అవకాశం రావడం హ్యాపీగా ఉంది. టీజర్ మీకు నచ్చిందని నమ్ముతున్నా. నేను కాత్యాయని అనే క్యారెక్టర్ లో నటించాను. ఇలాంటి పాత్ర చేయాలని ఎప్పటినుంచో అనుకుంటున్నా. ఆ కోరిక “లిటిల్ హార్ట్స్” చిత్రంతో తీరింది. రాజీవ్ గారి క్యారెక్టర్ చాలా కొత్తగా ఉంటుంది. “లిటిల్ హార్ట్స్”ను థియేట్రికల్ రిలీజ్ కు తీసుకొస్తున్న బన్నీవాస్, వంశీ నందిపాటి గారికి థ్యాంక్స్. మంచి కంటెంట్ ఎక్కడున్నా వాళ్లు సపోర్ట్ చేస్తుంటారు.’ అన్నారు.
హీరో మౌళి తనూజ్ మాట్లాడుతూ.. ‘మా మూవీ టీజర్ రిలీజ్‌కు వచ్చిన డైరెక్టర్ అనిల్ రావిపూడి గారికి థ్యాంక్స్. దర్శకుడు సాయి మార్తాండ్ “లిటిల్ హార్ట్స్” స్క్రిప్ట్ నా దగ్గరకు తీసుకొచ్చినప్పుడే బాగా నవ్వుకున్నాం. ఇది థియేట్రికల్ గా రిలీజ్ చేసే మూవీ అని ఫిక్స్ అయ్యాం. ఎంటర్ టైనర్ మూవీస్ థియేటర్స్ లోనే చూడాలి. ఓటీటీలో చూస్తే ఆ ఫన్ దొరకదు. మా మూవీ కోసం ప్రతి కాస్ట్ అండ్ క్రూ మెంబర్ కష్టపడి పనిచేశారు. ఎంతో ఎఫర్ట్స్ పెట్టారు. బాధ్యత లేకుండా అల్లరిగా తిరిగే కొడుకు, అతని తండ్రి మధ్య క్రియేట్ అయ్యే ఫన్ కోసం ప్రతి ఒక్కరూ ఈ సినిమా చూడాలి.’ అన్నారు.
డైరెక్టర్ అనిల్ రావిపూడి మాట్లాడుతూ.. ‘టీనేజ్ లో ఉండే సరదా లైఫ్ మనందరికీ దాదాపు ఒకేలా ఉంటుంది. టీనేజ్ బ్యాక్ డ్రాప్ లో మూవీ చాలా బాగుంటుంది కదా అని డిస్కషన్ చేస్తున్న టైమ్ లో “లిటిల్ హార్ట్స్” టీజర్ నా దగ్గరకు వచ్చింది. టీజర్ నాకు బాగా నచ్చింది. కామెడీ మూవీని థియేటర్స్ లో చూస్తే ఆ వైబ్ అలా అందరికీ రీచ్ అవుతుంది. ఈ యంగ్ టీమ్ తమ సినిమాను థియేటర్స్ లోకి తీసుకొస్తున్న గట్స్ చూస్తుంటే హ్యాపీగా ఉంది. అందరికీ ఆల్ ది బెస్ట్ చెబుతున్నా. “లిటిల్ హార్ట్స్” లాంటి కంటెంట్ ప్రొడ్యూస్ చేసిన ఆదిత్యకు ఆల్ ది బెస్ట్ చెబుతున్నా. డైరెక్టర్ సాయి మార్తాండ్ టేకింగ్, స్టైల్, టైమింగ్ చాలా బాగుంది. శివానీ బిజీ హీరోయిన్ అవుతోంది. రాజీవ్ గారు ఈ అల్లరి కొడుకును భరించే తండ్రిగా ఆకట్టుకునేలా నటించారు. వంశీ గారికి, బన్నీవాస్ గారికి కంగ్రాట్స్ చెబుతున్నా, వాళ్లు ఈ మూవీతో హిట్ కొట్టినట్లే.’ అన్నారు.