తోపు హీరోలతో బిజీగా ఉన్న ఏకైక హీరోయిన్..!
బాలీవుడ్ స్టార్ బ్యూటీ దీపికా పదుకొనే ప్రస్తుతం వరుసబెట్టి సినిమాలు చేస్తోంది. ప్రభాస్‌తో సందీప్ రెడ్డి వంగ దర్శకత్వంలో ‘స్పిరిట్’ చిత్రంలో నటించాల్సిన ఆమె కొన్ని కారణాల వల్ల ఆ చిత్రం నుంచి తప్పుకుంది. ఇక ఆ తర్వాత ఆమె రూ.1000 కోట్లకు పైగా వసూళ్లు సాధించిన ఇద్దరు స్టార్ హీరోల సినిమాలను ఓకే చేసి సర్‌ప్రైజ్ చేసింది.
బాలీవుడ్ కింగ్ ఖాన్ షారుక్ ఖాన్‌తో దీపికా నటిస్తున్న ‘కింగ్’ సినిమా ఇప్పటికే షూటింగ్ ప్రారంభించుకుంది. 2026లో విడుదల కానున్న ఈ చిత్రం, పఠాన్ మరియు జవాన్ తర్వాత బాలీవుడ్‌లో ఈ జోడీ క్రేజీగా మారింది. దీంతో పాటు కింగ్ చిత్రం బాలీవుడ్‌లో మోస్ట్ అవైటెడ్ చిత్రాల్లో ఒకటిగా మారడంతో ఈ సినిమాలో షారుక్ ఎలా ఉండబోతున్నాడా.. దీపికాతో ఆయన ఎలాంటి స్క్రీన్ ప్రెజెన్స్ ఇస్తాడా అని అందరూ ఆసక్తిగా చూస్తున్నారు.
ఇక దీపికా మరో క్రేజీ ప్రాజెక్ట్ AA22xA6. అట్లీ దర్శకత్వంలో ఐకాన్ స్టార్ అల్లు అర్జున్ హీరోగా నటిస్తున్న ఈ సినిమా ఇండియాలో ఉన్న క్రేజీ ప్రాజెక్ట్‌లలో ఒకటి. ఈ సినిమాలో అల్లు అర్జున్ మూడు విభిన్న పాత్రల్లో కనిపించనున్నాడని తెలుస్తోంది. అయితే దీపికా యోధురాలి లుక్‌లో కనిపించనుండగా, ఈ పాత్ర కోసం ప్రత్యేక శిక్షణ, భారీ కాస్ట్యూమ్స్ సిద్ధం చేస్తున్నారట మేకర్స్. రష్మిక మందన్న, జాన్వీ కపూర్, మృణాల్ ఠాకూర్ వంటి స్టార్ క్యాస్ట్ ఈ సినిమాలో నటిస్తున్నట్లు వార్తలు వస్తున్నాయి. ఈ ప్రాజెక్ట్ 2027లో విడుదల కానుంది. వరుసగా ఇద్దరు 1000 కోట్ల హీరోలతో పనిచేస్తున్న ఏకైక హీరోయిన్‌గా దీపికా తనదైన మార్క్ వేసుకుంది.